طالب ثانوي أو بكالوريا
قرب وقت اختيار التخصص، وإنت لسا محتار وين تروح.
البوصلة الذكية · من د. سارة النحّاس
اعرف أي تخصص بيشبهك، بتقرير مكتوب إلك إنت.
منبدأ من نتيجتك بالبوصلة، ومنضيف عليها تفضيلاتك: البلد يلي بدك تدرس فيه، وضعك المادي، والتخصصات يلي عم تفكر فيها. النتيجة تقرير مفصّل بـ8 أقسام، بيراجعه فريق د. سارة قبل ما يوصلك.
تقريرك خلال 24 ساعة من تعبئة النموذج · مراجعة من فريق د. سارة · الدفع من داخل سوريا أو خارجها
البوصلة الذكية
$10تقرير مفصّل مكتوب لحالتك، مبني على نتيجتك وتفضيلاتك.
- تحليل الشخصية والقدرات
- العلاقة بين الميول والذكاءات والقيم
- التخصصات الأنسب
- مقارنة بين الخيارات
- التحديات المتوقعة
- المهارات المطلوب تطويرها
- التخصصات الأقل توافقاً
- خطة الثلاثين يوماً
✓ خلال 24 ساعة من تعبئة النموذج
✓ مراجعة بشرية من فريق د. سارة
✓ مبني على نتيجتك وتفضيلاتك
كيف بتوصل لتقريرك؟
- 1
ادفع
$10 عبر PayPal من برّا سوريا، أو شام كاش / الهرم للحوالات من جوّا.
- 2
اعمل البوصلة
اختبار على 8 محاور (45–60 دقيقة)، وفيك تبلّش فوراً بعد الدفع. إذا عملتها قبل، منعتمد نتيجتك.
- 3
عبّي نموذج التفضيلات
البلد، وضعك المادي، التخصصات يلي عم تفكر فيها، وتوقعات أهلك.
- 4
تقريرك خلال 24 ساعة
من لحظة ما تبعت النموذج، بيراجعه فريق د. سارة وبيوصلك على حسابك وواتساب.
الصورة الكاملة
شو هي البوصلة الذكية؟
مناخد نتيجتك بالبوصلة المجانية، ومنربطها بتفضيلاتك وظروف قرارك، لنكتبلك تقرير واضح يقارن الخيارات وبيحوّل النتيجة لخطوات عملية.
«ما منختار عنك. منساعدك تفهم حالك، وبعدها القرار إلك.»
مبنية على منهج د. سارة النحّاس · علم نفس · علم أعصاب · تربية حديثة
كلمة شخصية
ليش عملت البوصلة؟
كتير شباب بيوصلوني وهنّ حايرين: شو بدي ادرس؟ شو بيشبهني؟ وليش حاسس إني بالمكان الغلط؟ ومع الوقت لاحظت شي بسيط بس مهم — لما الواحد بيكون بالمجال يلي بيناسب طبيعته، بترتفع عنده الطاقة والرضا وحتى الإنجاز؛ ولما بيكون بمكان ما بيشبهه، بيتعب مهما اجتهد.
عشان هيك عملت هالأداة وسمّيتها البوصلة: مش لتقرّر عنك، بس لتساعدك تفهم حالك، وتشوف طريقك بوضوح قبل ما تقرر.
د.س
— د. سارة النحّاس
مؤسِّسة البوصلة
لمن هي
البوصلة إلك إذا…
مصمّمة للشباب العربي من 15 لـ 35 سنة، بأي مرحلة كنت فيها.
طالب جامعي
عم تدرس تخصص، بس صرت تشك إذا هو فعلاً يلي بيشبهك.
متخرّج أو بتشتغل
بتفكر تعيد توجيه مسارك، أو تبني مهارة جديدة على أساس مدروس.
حائر بين خيارين
عندك تخصصين أو مسارين، وبدك شي يساعدك تفرز الفرق.
كيف بتشتغل
تقريرك مبني على 8 محاور فيك
كل محور بيضيف قطعة من الصورة. لما يجتمعوا، بتطلع خريطة كاملة عنك — مش خانة وحدة بتحطّك فيها.
01
أنواع ذكائك
لغوي، منطقي، بصري، حركي، اجتماعي… وين بتلمع فعلاً.
02
ميولك المهنية
شو نوع الشغل يلي بيجذبك، مش يلي بتحفظه أحسن.
03
شخصيتك
طبيعتك من جوّا، وأي بيئة دراسة وشغل بتريّحك.
04
مهاراتك اليوم
وين إنت هلق فعلاً، لتعرف شو منقوّي.
05
قيمك ودوافعك
شو بيحرّكك: الاستقرار، الحرية، الأثر، التحدي…
06
طريقة تعلّمك
كيف بتفهم أسرع: بالقراءة، بالسمع، بالتجربة، بالنقاش.
07
جاهزيتك للقرار
قديش إنت قريب من قرار واثق، وشو يلي ناقصك.
08
لمحة عن تفكيرك المنطقي
أسئلة سريعة وممتعة تلمس بديهتك، بلا ضغط.
الثقة والدقة
ليش فيك تثق بنتيجتك؟
أي اختبار نتيجته بتساوي قد ما إجاباتك صادقة. عشان هيك البوصلة مبنية بآلية بتتأكد إن نتيجتك تعكسك إنت فعلاً — مش مزاج اللحظة ولا الجواب «المثالي».
بتتأكد إنك مركّز
في أسئلة بسيطة مبثوثة بتتأكد إنك عم تقرا وتنتبه، مش عم تكبس عالسريع.
بتكشف التجميل
في أسئلة بتفرّق بين الجواب الصادق والجواب يلي بيجمّل الصورة — عشان النتيجة تطلع حقيقية.
بتتأكد من ثباتك
في أسئلة بتقيس نفس الشي بطريقتين مختلفتين، لتتأكد إن جوابك ثابت ومش عشوائي.
مراجعة بشرية
كل تقرير بيقراه فريق د. سارة قبل ما يوصلك.
وبالآخر، بتوصلك نتيجتك مع مؤشر موثوقية بيقلّك قديش محاولتك كانت صادقة ودقيقة.
8
محاور تقيس جوانبك المختلفة
160+
سؤال مبني على مواقف من حياتك
آلية
تحقق من صدق الإجابات بكل محاولة
تقريرك الشخصي
شو بيوصلك بالبوصلة الذكية؟
تقرير البوصلة المجانية مشمول، وفوقه 8 أقسام مبنية على نتيجتك وتفضيلاتك.
تحليل الشخصية والقدرات
قراءة مترابطة لملامحك وقدراتك كما ظهرت بنتيجة البوصلة.
العلاقة بين الميول والذكاءات والقيم
كيف بتتلاقى ميولك وذكاءاتك وقيمك بقرار التخصص.
التخصصات الأنسب
التخصصات الأقرب إلك مع سبب ارتباطها بنتيجتك وتفضيلاتك.
مقارنة بين الخيارات
مقارنة واضحة بين التخصصات يلي عم تفكر فيها.
التحديات المتوقعة
العقبات المتوقعة بكل خيار وكيف تستعد إلها.
المهارات المطلوب تطويرها
المهارات يلي بتقوّي فرصك بالمسارات الأنسب.
التخصصات الأقل توافقاً
خيارات أقل توافقاً معك والأسباب يلي لازم تنتبهلها.
خطة الثلاثين يوماً
خطوات عملية لأول 30 يوم لتبحث وتجرّب وتقرّب قرارك.
للاستفادة القصوى
نصائح تخلّي نتيجتك أدق
جاوب بأول إحساس بيجيك، مش بالجواب يلي بيبيّن «أحلى».
ما في جواب صح وجواب غلط — في جواب يشبهك وجواب لأ.
إذا ترددت، اختر الأقرب لواقعك اليوم، مش لطموحك ولا لتوقّعات الناس.
احكِ عن نفسك إنت، مش عن الشخص يلي أهلك أو رفقاتك بدهن ياك تكون.
ارجع لتقريرك بعد فترة — بتشوفه بعين جديدة، وأحياناً بيوضّح أكتر.
جاهز تاخد قرارك بوضوح؟
اطلب البوصلة الذكية — $10أو جرّب البوصلة المجانيةالأسئلة الشائعة
أسئلة بتخطر عبالك
المجانية بتعطيك نتيجتك وتقرير عن ذكاءاتك وميولك والتخصصات الأقرب إلك. الذكية بتبني على نفس النتيجة وبتضيف تفضيلاتك (البلد، الوضع المادي، التخصصات يلي عم تفكر فيها)، وبتطلعلك تقرير مفصّل بـ8 أقسام فيه مقارنة وتحديات وخطة 30 يوم، يراجعه فريق د. سارة.