د. سارة النحّاس · دكتوراه في التربية – جامعة دمشق
اختبار مجاني للأهل من د. سارة النحّاس
طفلك هادي... ولا خايف؟
مو كل طفل ساكت هو طفل مرتاح. في هدوء جاي من الأمان، وفي هدوء جاي من الخوف، ومن برّا بيشبهو بعض كتير. هالاختبار بيساعدكن تعرفو هدوء طفلكن من أي نوع.
16 سؤال · حوالي 4 دقايق · لعمر 3 لـ 12 سنة
بدون تسجيل، والنتيجة بتطلع فوراً. المعلومات سرّية وما بيشوفها غير د. سارة وفريقها.
مجاني16 سؤال · حوالي 4 دقايقنتيجة فوريةكيف بيمشي الاختبار؟
01
معلومات قصيرة
عن العيلة والطفل، بدقيقة وحدة.
02
16 سؤال
11 عن طفلكن و5 عنكن إنتو، جواب واحد لكل سؤال.
03
النتيجة فوراً
مع شرح وخطوات عملية تبلّشو فيها من اليوم.
شو الفرق؟
هدوء من الأمان
- بيسكت لأنو مرتاح، مو لأنو خايف
- بيجي يحكيلكن عن غلطاته
- بيقدر يقول لأ ويناقش بأدب
- مشاعره مبيّنة: بيفرح وبيزعل قدامكن
هدوء من الخوف
- بيسكت ليتجنّب ردة فعلكن
- بيخبّي الغلط أو بيكذب
- بيراقب وجهكن قبل ما يتصرف
- بيكبت مشاعره... لحد ما ينفجر
د. سارة النحّاس
«متل التوتو»... بس بأي تمن؟
كتير ناس بتفكر إنو لازم نشدّ ونقسى من الصغر، مشان الولد ما يطلع عنيد وعصبي بالمراهقة. العلم بيقول العكس تماماً: التربية القاسية والمتحكّمة بزيادة، اللي بتعتمد على القمع والتخويف، هي اللي بترتبط بزيادة العناد والسلوك العدواني بالمراهقة.
الطفل اللي بيتعلّم يخبّي حاله، بيضل يخبّي ويكبت لحد ما ينفجر. ووقتها منقول: «شو صار له؟ كان هادي وهو صغير!»
الطاعة القائمة عالخوف مو تربية، هي تدريب. والسؤال الحقيقي مو إذا طفلكن بيسمع الكلمة، السؤال: هو مرتاح ولا خايف؟
قبل ما تبلّشو
- جاوبو حسب آخر شهر، مو حسب يوم صعب ولا يوم حلو.
- القسم الأول عن طفلكن (11 سؤال)، والتاني عنكن إنتو (5 أسئلة).
- اختارو جواب واحد لكل سؤال.
- ما في جواب صح وجواب غلط. الصراحة هي اللي بتعطيكن نتيجة بتفيدكن.
عن د. سارة
د. سارة النحّاس
260,000+
طفل تحت إشراف برامجنا
5M+
من الأهل استفادوا من المحتوى
100%
محتوى مبني على التربية الحساسة للصدمات وعلم الأعصاب
شراكة تعليمية مع Toddily لمنهج الذكاءات المتعددة.
1M+
متابع على إنستغرام
جاهزين؟
اعرفو إذا هدوء طفلكن جاي من الأمان ولا من الخوف، وشو الخطوة الجاية.
هالاختبار أداة توعية أولية، ومو تشخيص نفسي. النتيجة الدقيقة بتحتاج تقييم مع مختص بيعرف طفلكن وظروفه. إذا كان في خطر على سلامة الطفل، اطلبو مساعدة مختص فوراً.